جنوبی لبنان سے صہیونی علاقوں پر میزائل حملے

مہر خبررساں ایجنسی نے فلسطین الیوم کے حوالے سے کہا ہے کہ صہیونی فورسز نے جنوبی لبنان سے گائیڈڈ میزائل حملوں کی تصدیق کی ہے۔

کان چینل کے مطابق مقبوضہ فلسطین کے شمالی علاقے الجلیل میں واقع صہیونی قصبے شلومی پر لبنان سے میزائل حملے کئے گئے ہیں جس کے نتیجے میں قصبے میں آگ بھڑک اٹھی ہے۔

قبل ازیں جنوبی لبنان میں القسام بریگیڈ نے مقبوضہ علاقوں کے شمال میں واقع الجلیل کے مقبوضہ قصبوں نہاریہ اور شلومی پر مارٹر حملوں کی اطلاع دی۔

یاد رہے کہ فلسطینی مقاومتی گروہوں نے صہیونیوں کی جانب سے مسجد اقصی کی مسلسل بے حرمتی اور نمازیوں پر حملے کے خلاف 7 اکتوبر پر اسرائیل پر راکٹوں اور میزائلوں سے حملہ کیا تھا جس میں اب تک 1400 صہیونی ہلاک اور 3000 زخمی ہوگئے ہیں۔ 

صیہونی ذرائع کے مطابق ان حملوں کے نتیجے میں صہیونی حکومت کو تاریخی شکست ہوئی ہے۔