امریکہ میں شدید طوفان کی وجہ سے 2600 سے زائد فلائٹس منسوخ

مہر خبررساں ایجنسی نے عالمی میڈیا کے حوالے سے نقل کیا ہے کہ فیڈرل ایوی ایشن ایڈمنسٹریشن کے مطابق زیادہ تر فلائٹس شمال مشرقی علاقوں میں منسوخ ہوئیں۔ جبکہ 1320 فلائٹس نیو جرسی کے نیوارک لبرٹی انٹرنیشنل ایئرپورٹ سے منسوخ ہوئیں۔

شدید موسم کی وجہ سے جان ایف کینیڈی ایئرپورٹ اور لا گارڈین ایئرپورٹ پر گراؤنڈ آپریشن روکنا پڑا۔

ایئرلائنز نے ٹوئٹر پر ایڈوائزری جاری کیں اور مسافروں کو ہدایت دی کہ ایئرپورٹ آنے سے پہلے فلائٹ کا وقت اور موسم کی صورتحال چیک کرکے آئیں۔

واضح رہے کہ امریکا کی شمال مشرقی ریاستوں میں شدید بارشیں اور سیلابی صورتحال ہے۔

نیویارک، نیو جرسی، کنیٹیکٹ، پنسلوانیا، میساچوسیٹس اور ورمونٹ میں سیلاب کا خطرہ ہے۔

دوسری طرف مغربی اور جنوبی ریاستوں میں شدید گرمی کی صورتحال ہے، پارہ ریکارڈ سطح پر پہنچ رہا ہے۔