مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افریقی ملک برکینافاسو میں دہشت گردوں نے ایک گاؤں پر حملہ کردیا جس کے نتیجے میں 100 سے زائد افراد ہلاک ہوگئے۔
اطلاعات کے مطابق مغربی افریقہ کے ملک برکینا فاسو میں مسلح دہشت گردوں نے ایک گاؤں پر حملہ کر کے سو سے زائد افراد کو موت کے گھاٹ اتار دیا۔
دہشت گردوں نے مقامی وقت کے مطابق رات 2 بجے سولہان کے ایک چھوٹے گاؤں میں گھس کر اندھا دھند فائرنگ کی۔ فائرنگ سے کئی افراد زخمی بھی ہوئے۔ دہشت گرد حملہ آوروں نے گاؤں کے درجنوں گھروں کو آگ لگا کر خاکستر کردیا۔
ذرائع کے مطابق حکومت نے ملک میں تین روزہ سوگ کا اعلان کردیا ہے۔
آپ کا تبصرہ