مہاراشٹر میں ہیروں کے تاجر کے قتل کے الزام میں اداکارہ سمیت 3 افراد گرفتار

ہندوستان کی ریاست مہاراشٹر کے صحرائی علاقے میں ہیروں کے تاجر کے قتل کی تفتیش کے دوران معروف ٹی وی اداکارہ سمیت 3 افراد کو گرفتار کرلیا گیا ہے۔

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی ریاست مہاراشٹر کے صحرائی علاقے میں ہیروں کے تاجر کے قتل کی تفتیش کے دوران معروف ٹی وی اداکارہ سمیت 3 افراد کو گرفتار کرلیا گیا ہے۔ اطلاعات کے مطابق گرفتار ہونے والے ملزمان میں مہاراشٹر کے وزیر کے سابق مشیر، ایک پولیس افسر اور ایک معروف ٹی وی اداکارہ دیولینا بھاتاچارجی بھی شامل ہیں۔رپورٹ کے مطابق ممبئی سے تعلق رکھنے والے معروف ہیروں کے تاجر راجیش اودانی 28 نومبر کو لاپتہ ہوگئے تھے اور 10 روز بعد ان کی لاش صحرا سے برآمد ہوئی تھی۔ پولیس نے ملزمان کی شناخت کے حوالے سے بتایا کہ گرفتار کیے جانے والوں میں سچن پوور، جو مہاراشٹر میں ایک وزیر کے مشیر تھے، اس کے علاوہ پولیس کانسٹیبل دنیش پوور شامل ہیں، اس سے قبل کانسٹیل کو ریپ کیس میں گرفتار ہونے کے بعد معطل کردیا گیا تھا۔پولیس کے مطابق  ٹیلی ویژن ادارکارہ دیولینا بھاتاچارجی کو طویل تفتیش کے بعدحراست میں لے لیا گیا۔ واضح رہے کہ پولیس نے اداکارہ کے قتل میں ملوث ہونے کے حوالے سے تفتصیلات جاری نہیں کیں تاہم یہ بتایا کہ انٹرٹینمنٹ انڈسٹری کی مزید شخصیات کو بھی تفتیش کے لیے طلب کیا جاسکتا ہے۔

پولیس کی تحقیقات اور فون کال کے ڈیٹا میں یہ انکشاف ہوا ہے کہ مقتول بیشتر خواتین کے ساتھ بار اور لنچ کے لیے جایا کرتے تھے اور ان میں سے کچھ خواتین کا تعلق انٹرٹینمنٹ انڈسٹری سے بھی تھا۔

رپورٹ کے مطابق یہ خواتین سچن پوور کے ذریعے ہیروں کے تاجر سے ملاقات کرتی تھیں ، ہیروں کے تاجر کی گمشدگی پر ان کے خاندان نے اغوا سے متعلق رپورٹ درج کروائی تھی۔

مقتول کے ڈرائیور نے پولیس کا بتایا تھاکہ لاپتہ ہونے سے قبل تاجر نے انہیں ایک مارکیٹ کے قریب چھوڑنے کا کہا تھا، جہاں ڈرائیور نے انہیں ایک اور گاڑی میں جاتے ہوئے دیکھا تھا۔اس کے بعد تاجر کی لاش 5 دسمبر کو صحرا سے ملی تھی ۔

News Code 1886319

لیبلز

آپ کا تبصرہ

You are replying to: .
  • 2 + 3 =