ہندوستانی ریاست مہاراشٹر میں فسادات میں 2 افراد ہلاک/ دفعہ 144 نافذ

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست مہاراشٹر کے شہر اورنگ آباد میں پانی کے تنازع پر2گروپوں میں جھڑپ پرتشدد ہنگامے میں تبدیل ہوگئی، دکانوں اور متعدد گاڑیوں کو آگ لگادی گئی، 2افراد ہلاک، 12 پولیس اہلکار زخمی ہوگئے، دفعہ 144 نافذکردی گئی۔ اطلاعات کے مطابق ہندوستانی ریاست مہاراشٹر کے علاقے اورنگ آباد میں پانی کے تنازع پر 2 گروپوں میں جھڑپ کے دوران100دکانوں اور متعدد گاڑیوں کوآگ لگادی گئی، 2افراد مارے گئے اورمتعدد زخمی ہوگئے۔مشتعل مظاہرین کی پولیس کے ساتھ جھڑپیں بھی ہوئیں جس میں12 پولیس اہلکار پتھراؤ سے لہولہان ہو گئے۔