ہندوستان کی ریاست یوپی میں ٹریفک حادثے میں 13 بچے ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست اتر پردیش میں جمعرات کی صبح ہونے والے اندوہناک حادثے میں ٹرین اسکول وین سے ٹکرا گئی ، جس کے نتیجے میں 13 بچے موقع پر ہلاک ہوگئے۔ اطلاعات کے مطابق یو پی کے کشی نگر ضلع میں ہوئے ٹرین حادثے میں درجنوں طلبا کے زخمی ہونے کی بھی اطلاعات ہیں۔ ریسکیو ذرائع کے مطابق صبح سویرے اسکول جانے والی وین پوپی ضلع کے ددہی ریلوے کراسنگ پر ٹرین کی زد میں آگئی۔ وین میں 20سے 30بچے سوار تھے جن میں سے 13 موقع پر ہی ہلاک ہوگئے۔جائے وقوع پر امدادی کارروائیاں جاری ہیں۔ یو پی  کے وزیر اعلیٰ یوگی ناتھ نے اسکول بس حادثے پر گہرے دکھ اور غم کا اظہار کیا ہے اور واقع کی انکوائری کا حکم دے دیا۔