امریکی ریاست نیو میکسیکو فائرنگ کے نتیجے میں 3طلبہ ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست نیو میکسیکو کے ایک اسکول میں مسلح شخص کی فائرنگ کے نتیجے میں 3 طلبہ ہلاک ہوگئے ہیں۔ اطلاعات کے مطابق پولیس اور سکیورٹی فورسز کی جوابی کارروائی سے اسکول میں فائرنگ کرنے والا حملہ آور مارا گیا۔پولیس کے مطابق ابھی یہ نہیں کہا جاسکتا کہ حملہ آور طلبہ میں سے تھا یا باہر سے آیا تھا۔فائرنگ کے نتیجے میں مزید افراد کے زخمی ہونے کی بھی اطلاعات ہیں۔ہلاک ہونے والے افراد کی لاشوں اور زخمیوں کو اسپتال منتقل کیا گیا ہے۔