ڈیرہ غازی خان میں تین وہابی دہشت گرد ہلاک

مہر خبررساں ایجنسی نےایکسپریس کے حوالے سے نقل کیا ہے کہ پاکستان کے صوبہ پنجاب کے ضلع ڈیرہ غازی خان کی تحصیل تونسہ شریف کے علاقے علی شاہ میں رینجرز اور سی ٹی ڈی کی کارروائی کے دوران 3 وہابی دہشت گرد ہلاک ہو گئے ہیں۔ اطلاعات کے مطابق ڈیرہ غازی خان کی تحصیل تونسہ شریف کے علاقے علی شاہ میں دہشتگردوں کی موجودگی کی اطلاع پر رینجرز اور سی ٹی ڈی نے مشترکہ کارروائی کی۔ رینجرز اہلکاروں کو دیکھ کر دہشت گردوں نے فائرنگ کردی۔ جوابی کارروائی میں 3 دہشت گرد ہلاک ہوگئے۔  ڈیرہ غازی خان پولیس ترجمان کے مطابق تینوں دہشتگردوں کا تعلق وہابی دہشت گرد اور کالعدم تنظیم طالبان سے ہے اور ان کے قبضے سے خود کش جیکٹ، وائرلیس سیٹس، راکٹ لانچر اور ڈیٹونیٹرز سمیت دیگر اقسام کا اسلحہ برآمد ہوا ہے۔