امریکی ریاست ٹینیسی کے جنگل میں آتشزدگی سے7 افراد ہلاک

مہر خبررساں ایجنسی نے رائٹرز کے حوالے سے نقل کیا ہےکہ امریکی ریاست ٹینیسی کے جنگل میں لگنے والی آتشزدگی کے باعث 7 افراد ہلاک جب کہ سینکڑوں مکانات اور کاروباری مراکز بھی جل کر خاکستر ہو گئے ہیں۔ ٹینیسی کے جنگلات گزشتہ کئی ہفتوں سے آتشزدگی کی لپیٹ میں ہیں جس سے نیشنل پارک کا 6 ہزار 400 ہیکٹر کا رقبہ متاثر ہوا ہے۔ آتشزدگی کے باعث اب تک 7 افراد ہلاک جب کہ سینکڑوں مکانات اور کاروباری مراکز جل کر خاکستر ہو گئے ہیں۔ حکام کا کہنا ہے کہ زیادہ تر ہلاکتیں مشہور سیاحتی علاقے گٹلین برگ اور اردگرد کے علاقوں میں ہوئیں۔ حکام کا کہنا ہے کہ امریکہ کے شمال مشرقی علاقے اور ریاست ٹینیسی کے جنگلات میں لگنے والی آگ کی وجہ خشک سالی ہے۔