چین میں ٹریفک حادثہ میں 17 افراد ہلاک

مہر خبررساں ایجنسی نے شنہوا کے حوالے سے نقل کیا ہے کہ چین کے شمال مشرقی ہائی وے پر 56 گاڑیاں آپس میں ٹکرا گئیں جس کے نتیجے میں 17 افراد ہلاک جبکہ37 زخمی ہوگئے ہیں۔ حادثہ شہرشانچی کے بیجنگ کن منگ ہائی وے پر پیش آیا، دھند اور سڑکوں پر پھسلن کے باعث گاڑیاں اور ٹرک آپس میں ٹکرا گئے۔  میڈیا رپورٹ کے مطابق حادثے سے قبل برف باری اور بارش ہوئی تھی،ہائی وے پر حادثے کا شکار ہونے والے ٹرکوں اور گاڑیوں کی قطار لگ گئی،جسے بند کرکے تفتیش شروع کردی گئی ہے۔