شیخوپورہ میں 9 وہابی دہشت گرد ہلاک

مہر خبررساں ایجنسی ایکسپریس کے حوالے سے نقل کیا ہے کہ پاکستان کے علاقہ شیخو پورہ میں کاؤنٹر ٹیررازم ڈیپارٹمنٹ نے وہابی دہشت گردوں کے خلاف کارروائی کرتے ہوئے 9 دہشت گردوں کو ہلاک کردیا جب کہ دیگر 5 فرار ہونے میں کامیاب ہوگئے ہیں۔ اطلاعات کے مطابق سی ٹی ٹی نے خفیہ اطلاع پر شیخوپورہ کے علاقے خیرو دی ملیاں کے قریب کارروائی کی تو وہاں موجود وہابی دہشت گردوں نے اہلکاروں پر فائرنگ کردی تاہم دو طرفہ فائرنگ کے تبادلے میں 9 وہابی دہشت گرد ہلاک اور 5 فرار ہوگئے۔ سی ٹی دی کے مطابق ہلاک ہونے والے دہشت گردوں کے قبضے سے 6 کلو بارود، 4 کلاشنکوف، 5 موٹرسائیکلیں اور دیگر اسلحہ بھی برآمد ہوا ہے۔ سی ٹی ڈی نے دعویٰ کیا ہے کہ مقابلے میں ہلاک ہونے والے دہشت گردوں کا تعلق وہابی دہشت گرد تنظیم القاعدہ سے تھا جب کہ فرار دہشت گردوں کی گرفتاری کے لئے علاقے کی ناکہ بندی کرتے ہوئے سرچ آپریشن شروع کردیا گیا ہے۔