ریاست اوہائیو میں چھوٹے طیارے کے حادثے میں 2 افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست اوہائیو میں چھوٹا طیارہ گر کر تباہ ہو گیا جس کے نتیجے میں دو افراد ہلاک ہو گئے ہیں۔ اطلاعات کے مطابق فیڈرل ایوی ایشن انتظامیہ نے کہا ہے کہ انہیں رات گئے اوہائیو کے علاقے ارکانم میں طیارے کے حادثے کی اطلاع ملی۔ طیارہ سنگل انجن والا تھا جس کے گرنے کی وجوہات تاحال سامنے نہیں آ سکیں ۔پولیس کے مطابق حادثے کے باعث جہاز میں سوار دونوں افراد ہلاک ہو گئے ہیں جن کی لاشیں قبضے میں لیکر ہسپتال منتقل کر دی گئی ہیں مگر ابھی تک انکی شناخت ظاہر نہیں کی جارہی اور حادثے کی تحقیقات کا حکم دیدیا گیا ہے۔