صومالیہ میں 2 خودکش حملوں میں 20 افراد ہلاک

مہر خبررساں ایجنسی  فرانسیسی خبررساں ایجنسی کے حوالے سے نقل کیا ہے کہ صومالیہ میں وہابید ہشت گرد تنظیم الشباب کے 2 خود کُش کار بم دھماکوں کے نتیجے میں دونوں حملہ آوروں سمیت20 افراد ہلاک اور20زخمی ہو گئے ہیں۔ اطلاعات  کے مطابق شمالی صومالیہ میں بارود سے بھرے ایک ٹرک کو موغادیشو سے ساڑھے سات سو کلومیٹر شمال کی جانب گَلکایو کے مقام پر ایک انتظامی عمارت سے ٹکرا دیا گیا، اسی علاقے میں دوسرا کار بم حملہ اُس وقت ہوا، جب لوگ پہلے دھماکے کے متاثرین کی مدد کرنے کی کوشش کر رہے تھے۔
ذرائع  کے مطابق مرنے والوں میں ایک مقامی پولیس کمانڈر اور اُس کا نائب بھی شامل ہے۔ذرائع کے مطابق دھماکوں کے نتیجے میں متعدد عمارتیں منہدم ہو گئیں۔ سعودی عرب سے منسلک وہابی دہشت گرد تنظیم الشباب نے ان دھماکوں کی ذمہ داری قبول کر لی ہے۔