شمالی کوریا کا آبدوز سے بلیسٹک میزائل کا تجربہ

مہر خبررساں ایجنسی نے بی بی سی کے حوالے سے نقل کیا ہے کہ شمالی کوریا نے آبدوز سے بلیسٹک میزائل فائر کرنے کا کامیاب تجربہ کیا ہے۔ اطلاعات کے مطابق جنوبی کوریا کی وزارت دفاع کے حکام کا کہنا ہے کہ شمالی کوریا نے آبدوز سے بلیسٹک میزائل فائر کرنے کا تجربہ کیا ہے تاہم حکام کی جانب سے مزید تفصیلات فراہم نہیں کی گئیں۔ امریکہ اور جنوبی کوریا نے شمالی کوریا کی جانب سے بلیسٹک میزائل تجربہ کی شدید الفاظ میں مذمت کرتے ہوئے اسے خطے کی سکیورٹی کے لئے خطرناک قرار دیا ہے۔

واضح رہے کہ اس سے قبل رواں برس اپریل میں بھی شمالی کوریا نے آبدوز سے بلیسٹک میزائل فائر کرنے کا تجربہ کیا تھا جسے شمالی کوریا کے رہنما کم جان ان نے ایک بڑی کامیابی قرار دیتے ہوئے کہا تھا کہ اب ہم جب چاہیں جنوبی کوریا اور امریکہ کو نشانہ بنا سکتے ہیں۔