امریکہ میں چھوٹا طیارہ گر کر تباہ، 9 افراد ہلاک

مہر خبررساں ایجنسی نے رائٹرز کے حوالے سے نقل کیا ہے کہ امریکہ کے شہر ایکرون میں ایک چھوٹے طیارہ کے ایک اپارٹمنٹ کی عمارت سے ٹکرانے کے نتیجے میں طیارے میں سوار کم از کم 9 افراد ہلاک ہوگئے ہیں۔ دہرے انجن والا چھوٹا بزنس طیارہ اوہائیو شہر کی جانب جا رہا تھا کہ حادثے کا شکار ہوگیا۔ شہر کی انتظامیہ کی جانب سے جاری ہونے والے ایک بیان میں کہا گیا ہے کہ طیارے کو پیش آنے والے حادثے کے بعد فائر فائٹرز عمارت میں لگنے والی آگ کو بجھانے کی کوششوں میں مصروف ہیں۔ نیشنل ٹرانسپورٹیشن سیفٹی بورڈ کی جانب سے ایک ٹیم جائے وقوع پر روانہ کردی گئی ہے جبکہ تحقیقات کا آغاز بھی کیا جاچکا ہے۔