ترکی کا شام میں داعش کے ٹھکانوں پر حملہ

مہر خبررساں ایجنسی نے رائثرز کے حوالے سے نقل کیا ہے کہ ترکی کے جنگی جہازوں نے شام میں وہابی دہشت گرد تنظیم داعش کے ٹھکانوں پر ہوائی حملے کئے ہیں۔ اطلاعات کے مطابق ترکی میں موجود امریکی جنگی جہازوں نے بھی اس کارروائی میں ترکی کے جنگی جہازوں کو مدد فراہم کی۔ ذرائع کے مطابق ترکی کا انجیر لیک ہوائی اڈہ امریکی فوج کے پاس ہے جہاں سے امریکہ  کی سرپرستی میں قائم داعش مخالف اتحاد داعش کے ٹھکانوں پر بمباری کرتا رہتا ہے۔