مہر خبررساں ایجنسی نے غیر ملکی ذرائع کے حوالے سے نقل کیا ہے کہ کیریبین جزائز میں آنے والے طوفان ایریکا نےتباہی کے مناظر پیش کرتے ہوئے 12افراد کو ہلاک کردیا ہےطوفان ایریکا نے اب امریکہ کا رخ کر لیا ہے۔
طوفان کےخطرے کے پیش نظر فلوریڈا میں ایمرجنسی نافذ کر دی گئی ہے۔ سمندری طوفان ایریکا نے کیریبین جزائر کے ملک جمہوریہ ڈومینیکا اور ہیٹی میں شدید تباہی مچا دی ہے۔ شدید بارشوں اور طوفان سے کم سے کم 12افراد ہلاک ہوگئے ہیں۔ امریکہ کے نیشنل ہیریکین سینٹر کے مطابق طوفان ایریکا جنوبی فلوریڈا کی جانب بڑھ رہا ہے۔ گورنر فلوریڈا رک اسکاٹ نے ممکنہ خطرے کے پیش نظر ریاست میں ایمرجنسی نافذ کردی ہے۔ انہوں نے شہریوں کو ہدایت کی ہے کہ وہ تازہ ترین صورتحال سے آگاہ اور نقل مکانی کے لیے تیار رہیں۔ طوفان سے نمٹنے کے لیے 8000نیشنل گارڈز کے اہلکار تعینات کر دیے گئے ہیں۔
آپ کا تبصرہ