ہماچل پردیش میں بس حادثے میں پانچ خواتین سمیت 25افراد ہلاک

مہرخبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست ہماچل پردیش میں بس گہری کھائی میں گرنے کے نتیجے میں پانچ خواتین سمیت 25افراد ہلاک جبکہ 30 زخمی ہو گئے ہیں۔پولیس حکام کے مطابق حادثہ ہماچل کے قصبہ بیلاسپور میں اس وقت پیش آیا جب مسافروں سے بھری ایک بس موڑ کاٹتے ہوئے گہری کھائی میں جا گری جس کے نتیجے میں 25 افراد موقع پر ہلاک جبکہ 30 زخمی ہو گئے۔ زخمیوں کو طبی امداد کے لئےفوری طور پر اسپتال منتقل کر دیا گیا ہے۔