سعودی عرب کے شہر جدہ میں القاعدہ کے حملے میں دو پولیس اہلکار ہلاک ہوگئے ہیں

مہرخبررساں ایجنسی نے الجزیرہ کے حوالے سےنقل کیا ہے کہ  سعودی عرب کے شہر جدہ میں سیکیورٹی فورس اور مسلح افراد کے درمیان فائرنگ کے تبادلے میں دو پولیس اہلکار ہلاک ہوگئے

سعودی وزارت داخلہ نے واقع کی تصدیق کرتے ہوئے بتایا ہے کہ جھڑپ اس وقت شروع ہوئی جب دہشت گردی کے الزام میں مطلوب چند مسلح افراد نے جدہ میں واقع الرویس جیل کے قریب پولیس چوکی پر اندھادھند فائرنگ کردی جس کے نتیجے میں دو پولیس اہلکار ہلاک ہوگئے۔جوابی فائرنگ کے بعد ملزمان نے قریبی عمارت میں پناہ لے لی عرب ٹی وی کے مطابق سکیورٹی اہلکاروں اور مسلح افراد کے درمیان فائرنگ کا تبادلہ وقفے وقفے سے جاری ہے سعودی پولیس اور القاعدہ کے دہشت گردوں میں جھڑپوں میں اب تک کئی سکیورٹی اہلکار ہلاک ہوچکے ہیں