ہر ایرانی ملک کی ترقی اور انقلاب کے اہداف کے حصول کے لئے کردار ادا کرے، جلیلی کا پیغام

مہر خبررساں ایجنسی کی رپورٹ کے مطابق، ایرانی صدارتی انتخابات میں دوسرے نمبر پر آنے والے امیدوار سعید جلیلی نے ایک پیغام میں نومنتخب صدر مسعود پزشکیان کو مبارک باد پیش کی ہے۔

انہوں نے اپنے پیغام میں کہا ہے کہ 5 جولائی کو ایرانی عوام نے کثیر تعداد میں سنجیدہ اور شفاف انتخابات میں شرکت کرکے دنیا کے سامنے مذہبی جمہوریت انقلاب کے استحکام کا عملی نمونہ دکھایا۔ 
اب ہم سب کی زمہ داری ہے کہ ملکی کی ترقی اور نظام انقلاب اسلامی کو مستحکم کرنے کے لئے نومنتخب صدر کے ساتھ تعاون کریں۔
میں عوامی آراء کی اکثریت حاصل کرنے پر جناب ڈاکٹر پزشکیان کو مبارک باد پیش کرتا ہوں اور حسب سابق خود موظف سمجھتا ہوں کہ مشکلات کے خاتمے اور ملک کی ترقی کا ہدف حاصل کرنے کے لیے نئی حکومت کی مدد کروں۔
میں ان لاکھوں ووٹرز کا شکریہ ادا کرتا ہوں جنہوں نے ایران کی ترقی کے لئے مجھے ووٹ دیا۔ ان کو اطمینان دلاتا ہوں کہ آپ کے چودہ ملین ووٹوں کی پشت پناہی کے ساتھ پہلے سے زیادہ اپنی توانائی کو بروئے کار لاؤں گا۔
اب وقت آیا ہے کہ ہر ایرانی انقلاب اسلامی کے اہداف کو ہمبستگی اور ہمدلی کے ساتھ حاصل کرنے کے لیے اپنا کردار کرے۔