مہر خبررساں ایجنسی نے اے ایف پی کے حوالے سے خبر دی ہے کہ سویڈن کی پولیس نے ایک بار پھر سویڈن میں مقیم عراقی تارک وطن گستاخ سیلوان مومیکا کو اسٹالک ہوم میں عراقی سفارت خانے کے سامنے قرآن مجید اور عراقی پرچم نذر آتش کرنے کی اجازت دے دی۔
سویڈش پولیس کو جمع کرائی گئی درخواست کے مطابق، یہ ریلی آج جمعرات کو مقامی وقت کے مطابق 1 سے 3 بجے کے درمیان عراقی سفارت خانے کے سامنے نکالی جائے گی۔
مومیکا نے کہا کہ وہ سٹالک ہوم کی اسی مسجد کے سامنے قرآن پاک کو جلانے کا ارادہ رکھتا ہے جس کو اس نے گذشتہ ماہ آگ لگائی تھی۔
سویڈش پولیس نے دعویٰ کیا کہ یہ اجازت نامہ مذہبی کتابوں کو جلانے کی سرکاری درخواست کی بنیاد پر جاری نہیں کیا گیا، بلکہ اجتماع کی آزادی کے قانونی حق پر مبنی رائے کے اظہار کے لیے عوامی اجتماع کے قیام کی بنیاد پر جاری کیا گیا۔
پولیس ترجمان نے دعویٰ کیا کہ اس کا مطلب یہ نہیں کہ ریلی میں جو کچھ ہو رہا ہے اس سے اتفاق کیا جائے۔
واضح رہے کہ میں اس 37 سالہ عراقی تارک وطن نے جون کے آخر میں قرآن پاک کے ایک نسخے کو آگ لگانے کے ساتھ اس کے صفحات پھاڑ دیے تھے۔
آپ کا تبصرہ