ایران فلسطین کو بین الاقوامی ترجیحات سے حذف کرنے میں روکاوٹ ہے، ایرانی وزارت خارجہ

مہر خبررساں ایجنسی کی رپورٹ کے مطابق، ایرانی وزارت خارجہ کے ترجمان ناصر کنعانی نے اپنے ٹویٹر اکاؤنٹ پر لکھا ہے کہ اسلامی جمہوریہ ایران نے عالم اسلام کا سب سے اہم اسٹریٹجک مسئلہ کے طور پر ہمیشہ اور بھرپور طریقے سے مسئلۂ فلسطین کی حمایت کرتے ہوئے اسے آمرانہ نظام کی نذر ہونے سے بچا لیا ہے اور مسئلہ فلسطین کو اہم بین الاقوامی ترجیحات سے حذف کرنے میں ایران روکاوٹ بنے ہوئے ہے۔ انہوں نے واضح کیا کہ ملت فلسطین، اب بھی مظلوم ہے، لیکن طاقتور اور اپنے دفاع کی صلاحیت رکھتی ہے اور مزاحمتی محاذ پہلے سے زیادہ متحد اور مضبوط ہو چکا ہے۔