مہر خبررساں ایجنسی کی رپورٹ کے مطابق، اسلامی جمہوریہ ایران کے وزیر خارجہ حسین امیرعبداللہیان اور ان کے سویڈش ہم منصب ٹوبیاس بلسٹروم نے ٹیلی فونک گفتگو میں دوطرفہ اور بین الاقوامی دلچسپی کے امور پر تبادلہ خیال کیا۔گفتگو کے دوران ایرانی وزیر خارجہ نے پاسداران انقلاب اسلامی کے حوالے سے یورپی پارلیمنٹ کے غیر تعمیری موقف پر کڑی تنقید کی۔ انہوں نے امید ظاہر کی کہ سویڈن کی یورپی یونین کی صدارت کے دوران یورپی یونین اور اسلامی جمہوریہ ایران کے درمیان تعلقات تعمیری راستے پر گامزن رہیں گے۔
ایرانی وزیر خارجہ نے تاکید کی کہ پاسداران انقلاب اسلامی کے خلاف یورپی پارلیمنٹ کے تباہ کن اقدامات اقوام متحدہ کے چارٹر کے خلاف ہیں۔
انہوں نے مزید کہا کہ سپاہ پاسداران انقلاب اسلامی نے عراق، شام اور مغربی ایشیا کے علاقوں میں دہشت گرد تنظیم داعش کے خلاف جنگ میں تعمیری کردار ادا کیا اور داعش کو تباہ کر کے یورپی دارالحکومتوں کو اس دہشت گرد تنظیم کے حملوں سے بچایا۔ گروپ اس لیے یورپ والے دہشت گردی کے خلاف جنگ میں پاسداران انقلاب اسلامی کی کوششوں کے مرہون منت ہیں۔امیر عبداللہیان نے تہران اور سٹاک ہوم کے درمیان مشاورت کے دائرہ کار کو وسعت دینے کی ضرورت پر زور دیا اور کہا کہ دونوں ملکوں کے تاریخی تعلقات کو ذاتی اور دہشت گردانہ مفادات رکھنے والے بعض افراد کے ذریعے متاثر ہونے کی اجازت نہیں دی جانی چاہیے۔
اس ٹیلی فونک گفتگو میں سویڈن کے وزیر خارجہ نے بھی یورپی یونین کی صدارت کے دوران یورپی یونین اور ایران کے درمیان مذاکرات کو وسعت دینے کے لیے اپنے ملک کی کوششوں پر تاکید کی۔ٹوبیاس بلسٹروم نے یورپی پارلیمنٹ کی حالیہ قرارداد کے بارے میں کہا کہ یہ قرارداد عمل درآمد کو لازمی قرار نہیں دیتی۔
سویڈن کے وزیر خارجہ نے دونوں ملکوں کے درمیان قونصلر مشاورت کی اہمیت کی طرف بھی اشارہ کیا اور امید ظاہر کی کہ اس شعبے میں تعاون جاری رہے گا۔
دونوں رہنماوں نے اس ٹیلی فونک گفتگو میں یوکرین کی صورتحال سمیت دیگر موضوعات پر بھی تبادلہ خیال کیا۔
آپ کا تبصرہ