ڈونلڈ ٹرمپ اور کم جونگ ان کی سنگا پور میں 12 جون کو ملاقات ہوگی

مہر خبررساں ایجنسی کی رپورٹ کے مطابق  امریکہ کے  صدر ڈونلڈ ٹرمپ اور شمالی کوریا کے صدر کم جونگ ان کی ملاقات 12 جون کو سنگاپور میں ہوگی۔  امریکی صدر ڈونلڈ ٹرمپ نے سماجی رابطے کی ویب سائٹ پر ٹوئٹ کرتے ہوئے شمالی کوریا کے سربراہ کم جونگ ان سے 12 جون کو سنگاپور میں ملاقات کا اعلان کردیا ہے۔ اپنی ٹوئٹ میں ڈونلڈ ٹرمپ کا کہنا تھا کہ ہم دونوں اس ملاقات کو عالمی امن کے لیے اہم بنانے کی بھرپور کوشش کریں گے۔ واضح  رہے یہ کسی بھی امریکی صدر اور شمالی کوریا کے سربراہ کے درمیان پہلی ملاقات ہوگی جس کا اعلان شمالی کوریا کی جانب سے 3 امریکی قیدیوں کی رہائی کے بعد سامنے آیا ہے۔