عمران خان دماغی طور پر ٹھیک نہیں

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے وزیر خارجہ خواجہ آصف نے کہا ہے کہ عمران خان کو روحانی سہارا تو مل گیا لیکن وہ دماغی طور پر ٹھیک نہیں ہیں عمران خان کو الیکشن سے پہلے اپنا علاج کرانا چاہیے۔

اطلاعات کے مطابق خواجہ آصف کا کہنا تھا کہ ہم نے کسی کو ڈرانے کے لیے قرارداد پاس نہیں کی بلکہ ہم نے پارلیمنٹ کے تقدس کو بحال کرانے کے لیے ایسا کیا۔ اس بات سے سب نے اتفاق کیا لیکن کوئی پارٹی ایسی نہیں جس نےعمران خان کا ساتھ دیا ہو۔ انہوں نے کہا کہ عقل اور سمجھ عمران خان کے قریب سے نہیں گزری کیوں کہ پارلیمنٹ کے حوالے سے ایسے بیان نہیں دئیے جاسکتے البتہ سخت زبان ضرور استعمال ہوتی ہے۔

خواجہ آصف نے کہا ہے کہ آپ اس پارلیمنٹ کے ممبر بھی ہیں اور گالیاں بھی دے رہے ہیں، پارلیمنٹ حکومت نہیں ایک ادارہ ہے لیکن عمران خان کی دماغی صلاحیتیں ماؤف ہوچکی ہیں ،عمران خان کو روحانی سہارا تو مل گیا ہے لیکن دماغی طور پر ٹھیک نہیں ہیں،عمران خان الیکشن سےپہلے اپنا علاج کرائیں۔