جرمنی میں نائٹ کلب میں فائرنگ کے نتیجے میں 2 افراد ہلاک

مہر خبررساں ایجنسی نے جرمن خبررساں ایجنسی کے حوالے سے نقل کیا ہے کہ جرمنی میں نائٹ کلب میں فائرنگ کے نتیجے میں 2 افراد ہلاک جب کہ 3 زخمی ہوگئے ہیں۔ اطلاعات کے مطابق جرمنی کے شہر کونسٹانز میں نائٹ کلب میں مسلح شخص نے گھس کر مشین گن سے اندھا دھند فائرنگ شروع کردی جس کے نتیجے میں 2 افراد ہلاک جب کہ متعدد زخمی ہوگئے، واقعے کے بعد سیکیورٹی فورسز نے کلب اور علاقے کو گھیرے میں لے کر کارروائی شروع کردی جب کہ حملہ آور نے فائرنگ کے بعد کلب سے فرار ہونے کی کوشش کی تاہم سکیورٹی فورسز نے اسے گولی مارکر ہلاک کردیا ہے۔ فائرنگ کے واقعہ کے بعد امدادی اہلکاروں نے زخمیوں کو اسپتال منتقل کیا جہاں انہیں طبی امداد فراہم کی جارہی ہے جب کہ بعض زخمیوں کی حالت انتہائی تشویشناک ہے۔