کراچی میں مسلح دہشت گردوں کی فائرنگ سے فوجی افسر ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی مسلح دہشت گردوں نے فائرنگ کرکے پاکستانی فوج کے افسر بریگیڈیئر شفقت کو ہلاک کردیا ہے۔ پولیس کے مطابق کراچی کے علاقے گلشن اقبال بلاک 5 میں نیپا چورنگی کے قریب 2 مسلح دہشت گردوں نے حساس ادارے کے افسر شفقت کے گارڈ سے موبائل فون چھیننے کی کوشش کی جس پر فوجی افسر گھر سے باہر آئے اور دہشت گردوں پر فائرنگ کردی تاہم دہشت گردوں کی جوابی فائرنگ سے بریگیڈیئر شفقت ہلاک اور ان کا گارڈ زخمی ہوگیا۔ پولیس کے مطابق فوجی افسر کی فائرنگ سے زخمی ہونے والے دہشت گرد کو گرفتار کرلیا گیا ہے تاہم اس کا ساتھی فرار ہوگیا۔ ڈی آئی جی ویسٹ کا کہنا ہےکہ جائے وقوعہ سے شواہد اکٹھا کرلیے گئے ہیں اور زخمی دہشت گردکو تفتیش کے لیے حراست میں لے لیا گیا ہے جب کہ زخمی گارڈ کو فوری طبی امداد کے لیے اسپتال منتقل کردیا گیا ہے جہاں اس کی حالت خطرے سے باہر ہے۔