خام تیل کی قیمت 12 سال کی کم ترین سطح پر پہنچ گئی

مہر خبررساں ایجنسی نے ذرائع کے حوالے سے نقل کیا ہے کہ عالمی مارکیٹ میں خام تیل کی قیمت 12 سال کی کم ترین سطح یعنی 32 ڈالر فی بیرل تک پہنچ گئی ہے۔ عالمی مارکیٹ میں خام تیل کی قیمت 32.16 ڈالر فی بیرل تک ریکارڈ کی گئی۔ اس سے قبل 2004 میں خام تیل کی قیمت 32 ڈالر فی بیرل تک گئی تھی۔ معاشی ماہرین کا کہنا ہے کہ چین دنیا کی دوسری بڑی معیشت اور تیل کا سب سے بڑا صارف ہے، چین کی اسٹاک مارکیٹ میں گراوٹ کی وجہ سے اس کی معاشی ترقی کی شرح میں کمی واقع ہوئی ہے جو تیل کی طلب اور قیمتوں پر اثر انداز ہو رہی ہے۔ دوسری جانب امریکی ارب پتی برنس مین جارج سوروس کا سری لنکا میں ایک اکنامک فورم سے خطاب کرتے ہوئے کہنا تھا کہ چین کی جانب سے اپنی معیشت کو ماڈل بنانے کے لئے کی جانے والی کوششیں اور اس کی کرنسی کی قدر میں گراوٹ دنیا کے دیگر ممالک کے لئے مسائل پیدا کر کر رہی ہے۔