حزب اللہ نے اسرائيلی حملے کے شہیدوں کی فہرست جاری کردی

مہر خبررساں ایجنسی نے المنار کے حوالے سے نقل کیا ہے کہ اسرائیل کی غاصب صہیونی اور دہشت گردوں کی حامی حکومت نے کل شام کی سرحد کے قریب قنیطرہ علاقہ میں حزب اللہ لبنان کے بعض مجاہدین کوفضائی حملہ میں شہید کردیا ، حزب اللہ لبنان نے اس حملے میں شہید ہونے والے مجاہدین کی فہرست جاری کردی ہے۔

1: شہید محمد احمد عیسی، حزب اللہ کے اہم کمانڈر

2: شہید جہاد مغنیہ ، فرزند شہید عماد مغنیہ

3: شہید عباس ابراہیم حجازی

4: شہید محمد علی حسن ابو الحسن

5: شہید غازی علی ضاوی

6: شہید علی حسن ابراہیم معروف ایہاب

حزب اللہ کے بیان کے مطابق حزب اللہ کے یہ ارکان قنیطرہ نامی  صوبے میں علاقے کی دیکھ بھال کے مشن پر تھے جب وہ اسرائیلی حملے میں شہید ہوگئے ۔ واضح رہے کہ حزب اللہ نے اپنے شہیدوں کا انتقام لینے کے عزم کا اظہار کیا ہے جس کے بعد اسرائیلیوں پر وحشت طاری ہوگئی ہے۔