فلسطین، غرب اردن میں صہیونی فوج کا گاڑی پر حملہ، القدس بریگیڈ کے تین جوان شہید، ویڈیو

مہر خبررساں ایجنسی نے شہاب نیوز کے حوالے سے کہا ہے کہ صہیونی فورسز نے غرب اردن کے شہر جنین میں مظالم کی انتہا کرتے ہوئے سڑک پر چلتی گاڑی پر فضائی حملہ کیا ہے۔

فلسطینی ہلال احمر نے حملوں کے بعد کہا ہے کہ صہیونی حملے میں تین فلسطینی شہری شہید ہوگئے ہیں جبکہ ایک شدید زخمی ہے۔

دوسری جانب صہیونی فوج نے کہا ہے کہ حملے میں فلسطینی مجاہدین کو نشانہ بنایاگیا ہے۔  تحریک جہاد اسلامی کی ذیلی شاخ القدس بریگیڈ نے کہا ہے کہ صہیونی حملے میں تنظیم کے تین اراکین شہید ہوگئے ہیں۔

واقعے کے بعد جنین کے مہاجرین کیمپ سے شدید فائرنگ کی آواز سنی جارہی ہے۔