مہر خبررساں ایجنسی نے الجزیرہ کے حوالے سے کہا ہے کہ دی ہیگ میں عالمی عدالت کی جانب سے صہیونی حکومت کے خلاف فیصلہ جاری ہونے کے بعد اقوام متحدہ سلامتی کونسل کا اجلاس فوری طور پر طلب کیا گیا ہے۔
سیکورٹی کونسل کی طرف سے جاری ہونے والے بیان میں کہا گیا ہے کہ عالمی عدالت کے فیصلے کی روشنی میں سیکورٹی کونسل کے رکن ممالک کے نمائندے بدھ کے روز اجلاس میں شرکت کریں گے۔
اس سے پہلے اقوام متحدہ کے سربراہ انتونی گوتریش کے ترجمان نے کہا تھا کہ سیکریٹری جنرل کے حکم پر عالمی عدالت کا فیصلہ سیکورٹی کونسل کو ارسال کیا گیا ہے۔
اقوام متحدہ کے سربراہ نے اسرائیل سے مطالبہ کیا ہے کہ عالمی عدالت کے فیصلے کی روشنی میں غزہ میں انسانی حقوق کی رعایت کرے۔
آپ کا تبصرہ