مہر خبررساں ایجنسی کے مطابق، اقوام متحدہ کے ترجمان اسٹیفن دوجارک نے ایک بیان میں ایرانی صوبہ سیستان و بلوچستان میں پولیس پر دہشت گردوں کے حملے کی شدید مذمت کی ہے۔
گذشتہ روز ہونے والے دہشت گردانہ حملے میں پولیس کے 11 اہلکار شہید ہوگئے تھے۔ حملے کی ذمہ داری دہشت گرد تنظیم نے قبول کی تھی۔
دوجاریک نے تاکید کی کہ اقوا متحدہ کی جانب سے ایرانی حکومت اور شہداء کے لواحقین کے ساتھ اظہار ہمدردی اور زخمیوں کی شفایابی کی آرزو کی جاتی ہے۔
میڈیا کے نمائندوں سے بات چیت کرتے ہوئے انہوں نے کہا کہ عالمی ادارے کو واقعے کے بارے میں تفصیلات موصول ہورہی ہیں۔ ادارے کے سربراہ کی جانب سے اس حوالے سے بیان جاری کیا جائے گا۔
اس سے پہلے اقوام متحدہ میں ایرانی نمائندے سعید ایروانی نے انٹونی گوتریش اور سلامتی کونسل کے سربراہ کو خط لکھ کر کہا تھا کہ ایران میں ہونے والے دہشت گردی کے حملے کی سخت الفاظ میں مذمت کی جائے۔
آپ کا تبصرہ