مہر خبررساں ایجنسی کی رپورٹ کے مطابق، امریکی ایوان نمائندگان کی ڈیموکریٹک رکن الہان عمر نے غزہ میں عام شہریوں کے خلاف صیہونی حکومت کے پے درپے وحشیانہ حملوں کی امریکی حکومت کی طرف سے حمایت پر شدید ردعمل کا اظہار کرتے ہوئے فلسطینی عوام کی بین الاقوامی حمایت کی ضرورت زور دیا۔
انہوں نے X سوشل پلیٹ فارم پر ایک پیغام میں لکھا کہ ہمیں اس بات کو نہیں بھولنا چاہئے کہ غزہ میں کوئی پناہ گاہ یا آہنی گنبد نہیں ہے اور براہ کرم ان کے لیے دعا کریں۔ خطے میں امن قائم ہو اور ہمیں اخلاقی بیداری کی طرف لے جائے تاکہ ہم ان انسانی تکالیف کو محسوس کر سکیں، فلسطینی وہ لوگ ہیں جو محاصرے میں ہیں اور عالمی برادری کی حمایت کے مستحق ہیں۔
واضح رہے کہ صیہونی رجیم کے خلاف فلسطینیوں کی مزاحمتی تحریک کا بڑا اور تباہ کن آپریشن "الاقصی طوفان" کل ہفتے کے روز شروع ہوا جو خطے کے دفاعی ماہرین کی نگاہ اور صہیونی میڈیا کے اعتراف کے مطابق صیہونی رجیم کی انٹیلی جنس اور سیکورٹی کی ناکامی ہے۔
تاہم اس کے جواب میں صیہونی رجیم نے نے غزہ کے مختلف علاقوں پر بمباری کی اور آج بروز اتوار لبنانی حزب اللہ نے حکومتی فورسز کے ٹھکانوں کو نشانہ بنایا اور اس کی ذمہ داری قبول کی۔
فریقین کے درمیان کشیدگی اور تنازعات اپنی بلند ترین سطح پر پہنچ چکے ہیں اور اب بھی تنازعات کے جاری رہنے اور بڑھنے کا امکان ہے۔
آپ کا تبصرہ