مہر خبررساں ایجنسی نے الجزیرہ کے حوالے سے کہا ہے کہ حماس کے وسیع حملے کے بعد صہیونی فضائیہ فلسطین کے مختلف علاقوں میں فضائی حملے کررہی ہے۔
تازہ ترین اطلاعات کے مطابق اسرائیلی جنگی طیاروں نے خان یونس کے مشرق میں ایک گھر پر بمباری کی جس کے نتیجے میں ایک خاتون شہید ہوگئی۔
دراین اثناء حماس کے مسلح ونگ القسام بریگیڈ نے اعلان کیا ہے کہ صہیونی قصبے صوفا میں فلسطینی مجاہدین اور صہیونی فورسز کے درمیان جھڑپیں جاری ہیں۔
اس سے پہلے المیادین کے نمائندے نے مقاومتی تنظیموں کے اعلی عہدیدار کے حوالے سے رپورٹ دی تھی کہ مقاومتی محاذ کی جانب سے غزہ کی پٹی سے ملحقہ صہیونیوں کالونیوں پر میزائل حملے جاری ہیں۔
فلسطینی تنظیموں کے حملوں کے بعد اسرائیلی حکام نے حماس اور غزہ کے خلاف وسیع حملوں کی دھمکی دی ہے۔ مبصرین کے مطابق جنگ کا دائرہ پھیلنے سے روکنے کے لئے قطر اور مصر جیسے عرب ممالک نے کوششیں شروع کرتے ہوئے ثالثی کی پیشکش کی ہے۔
آپ کا تبصرہ