لیبیا میں طوفان اور سیلاب نے تباہی مچا دی، 150 افراد ہلاک

مہر خبررساں ایجنسی نے عالمی میڈیا کے حوالے سے نقل کیا ہے کہ مشرقی لیبیا میں طوفان اور سیلاب کی وجہ سے 150 افراد ہلاک ہوگئے جبکہ ہزاروں لوگ لاپتا ہیں۔

غیر ملکی میڈیا کی رپورٹ میں حکام کے حوالے سے بتایا گیا کہ مشرقی لیبیا کے شہر ڈیرنا میں زبردست طوفان اور سیلاب سے تقریباً 150 افراد کے ہلاک ہونے کا خدشہ ہے۔مشرقی لیبیا میں خود ساختہ حکومت کے وزیر اعظم اسامہ حماد کے مطابق ہزاروں لوگ تاحال لاپتا ہیں تاہم انہوں نے اعداد و شمار سے متعلق مزید تفصیلات کا تذکرہ نہیں کیا۔

دوسری جانب بن غازی میں ہلال احمر نے تصدیق کی کہ طوفان ڈینیئل نے ڈیرنا شہر میں کم از کم 150 افراد ہلاک ہوچکے ہیں، تنظیم کے سربراہ قیس فکیری نے میڈیا کو بتایا کہ شہر میں پانی کی سطح تین میٹر (10 فٹ) تک بلند ہونے کے بعد ہلاکتوں کی تعداد 250 تک بڑھ سکتی ہے۔