نیتن یاہو نے تل ابیب کی معیشت، فوج اور سمیت واشنگٹن کے ساتھ تعلقات کو بھی تباہ کر دیا، یائر لاپیڈ

مہر خبررساں ایجنسی نے امیڈ کے حوالے سے بتایا ہے کہ غاصب صیہونی حکومت کے سابق وزیر اعظم یایر لاپیڈ نے اعلان کیا ہے کہ اس حکومت کی کابینہ کے سامنے صرف 2 آپشنز ہیں اور کابینہ اگلے 2 دنوں کے اندر ان میں سے کسی ایک آپشن کا انتخاب کرے۔

لاپیڈ نے کہا کہ عدالتی اصلاحات کے بل کی منظوری کے آپشن کا انتخاب کرتے ہوئے نیتن یاہو کی کابینہ صیہونی حکومت کو اپنی فوج، معیشت اور امریکہ کے ساتھ تعلقات سمیت تباہ کر دے گی یا پھر اس بل کو روک کر اپنی حکومت کو تباہی کے خطرے سے بچا سکتی ہے۔ لاپیڈ نے پہلے بھی کہا تھا کہ نیتن یاہو کی کابینہ ہمیں ایک بڑے بحران کی طرف لے جا رہی ہے۔ یہ کابینہ ان اقدامات کے معاشی، سیکورٹی اور سیاسی نتائج کے بارے میں ضروری چھان بین کیے بغیر بڑی تبدیلیاں نافذ کرنا شروع کر دیتی ہے۔

انہوں نے کہا کہ تل ابیب اور واشنگٹن کے درمیان موجودہ کشیدگی اپنی بلند ترین سطح پر پہنچ چکی ہے۔ حال ہی میں وائٹ ہاؤس نے نیتن یاہو اور ان کی کابینہ کو فلسطینیوں کے ساتھ برتاؤ اور عدالتی اصلاحات بل کے حوالے سے تنقید کا نشانہ بنایا ہے۔ اس کے علاوہ گذشتہ شب ہزاروں صیہونیوں نے یروشلم اور تل ابیب میں غاصب صیہونی حکومت کے وزیراعظم نیتن یاہو کے عدالتی نظام پر نظر ثانی بل کے خلاف مظاہرے کئے۔

نیتن یاہو مخالف مظاہرے کے منتظمین نے ہفتے کی شام مظاہرین کی ابتدائی تعداد تقریباً ساڑھے پانچ لاکھ افراد بتائی اور اس ہفتے کے ہفتے کے مظاہرے کو نیتن یاہو کے خلاف احتجاج کا 29 واں ہفتہ سمجھا جاتا ہے۔ تل ابیب میں ہفتے کی شام ہونے والے مظاہروں سے قبل دسیوں ہزار مظاہرین نے ہفتے کی شام سے ہی یروشلم کی طرف مارچ کیا تھا۔

اس کے علاوہ، ہفتے کے روز، 100 سے زیادہ سابق سیکیورٹی سربراہان، جن میں ریٹائرڈ فوجی کمانڈرز، پولیس کمشنرز اور انٹیلی جنس ایجنسیوں کے سربراہ شامل تھے، مظاہرین میں شامل ہوئے اور نیتن یاہو کو خط بھیج کر مذکورہ بل کو روکنے کا مطالبہ کیا۔ اس خط پر دستخط کرنے والوں میں "ایہود بارک" اور "موشے یالون" شامل ہیں جو کہ نیتن یاہو کے سیاسی حریف ہیں۔