مہر خبررساں ایجنسی نے فلسطینی ذرائع ابلاغ کے حوالے سے خبر دی ہے کہ حماس کے رہنما خالد مشعل نے الشرق الجزائر سے گفتگو کرتے ہوئے کہا ہے کہ فلسطین امت مسلمہ کا سب سے بڑا اور پہلا مسئلہ ہے۔ عرب اقوام اور امت مسلمہ فلسطین کی حمایت کرتی ہیں۔ ہمیں چاہئے کہ فلسطین کے مسئلے کو سب سے زیادہ اہمیت دے۔
انہوں نے عرب ممالک کی طرف سے فلسطین عوام کا صہیونی دشمنوں کے خلاف لڑنے کے لئے سیاسی اور مالی تعاون کرنے پر شکریہ ادا کیا۔
انہوں نے صہیونی حکومت کے ساتھ کسی قسم کے تعلقات قائم کرنے کی سخت مخالفت کرتے ہوئے کہا کہ بعض ممالک اسرائیل کے ساتھ تعلقات برقرار کرنے کی فکر میں ہیں۔ یہ ممالک غلطی کرررہے ہیں۔ ان کو اپنی پالیسی پر نظرثانی کرنا چاہئے۔
خالد مشعل نے مزید کہا کہ جنین کی جنگ نے ثابت کیا کہ صہیونی آسانی کے ساتھ میدان جنگ میں وارد نہیں ہوسکتے ہیں۔
انہوں نے تاکید کی کہ مقاومت نے غاصب صہیونیوں کے خلاف جنگ کا دائرہ غزہ سے بڑھاکر دوسرے علاقوں تک پھیلایا ہے تاکہ صہیونی حکومت مقاومت کے خلاف آسانی سے آپریشن نہ کرسکے۔
آپ کا تبصرہ