مہر خبررساں ایجنسی کی رپورٹ کے مطابق، مکہ مکرمہ میں ایرانی حج مشن کے سربراہ حجۃ الاسلام والمسلمین سید عبدالفتاح نواب سے مذہبی امور اور بین المذاہب ہم آہنگی کے وزیر سینیٹر طلحہ محمود نے ملاقات کی۔ وفود کی سطح پر اس ملاقات میں پاک ایران تجارت، نئی زیارت پالیسی کے تحت زائرین کی ایران میں آمد و رفت کیلئے پاک ایران باہمی یاداشت پر دستخط، روٹ مکہ پراجیکٹ میں ایران کی شمولیت اور حج کے دیگر امور پر بہترین سعودی انتظامات زیر بحث آئے۔
تفصیلات کے مطابق، پاکستان اور ایران نے زائرین کی سہولت کیلئے تعاون کو مزید بڑھانے اور سرحدی تجارت کے ذریعے اقتصادی تعاون بڑھانے کے عزم کا اعادہ کیا ہے جس کا مقصد اپنے اقتصادی تعلقات کو مضبوط بنانے کے ساتھ ساتھ زائرین کیلئے ایک ہموار اور باسہولت تجربہ فراہم کرنا ہے۔
آپ کا تبصرہ