مہر خبررساں ایجنسی کی رپورٹ کے مطابق، ان مقابلوں، ایرانی ٹیم کی جانب سے محمد معراج مہمدی نے 51 کلوگرام وزن، محمد رضا غلامی نے 55 کلوگرام وزن، علی اکبر اصغری نے 92 کلوگرام وزن اور امیر حسین عبدولی نے 110 کلو گرام وزن کے مقابلوں میں سونے کے میڈلز جیتے، جبکہ حبیب الٰہ رحیمی نے 71 کلوگرام وزن میں چاندی کا میڈل جیتا اور علی دزفولی نژاد نے 60 کلوگرام وزن اور احمدرضا محمدیان نے 65 کلوگرام وزن کے مقابلوں میں کانسی کا تمغہ حاصل کیا۔
ٹیموں کی درجہ بندی میں ایرانی قومی کشتی ٹیم نے 188 پوائنٹس سے ایشین چیمپئن شپ کو اپنے نام کر لی، جبکہ قزاقستان کی ٹیم 176 اور ازبکستان کی ٹیم 151 پوائنٹس کے ساتھ بالترتیب دوسرے اور تیسرے نمبر پر رہی۔
واضح رہے کہ گزشتہ سال قزاقستان میں ایرانی ٹیم 2 سونے، 4 چاندی، 2 کانسی کے میڈلز اور 174 پوائنٹس کے ساتھ دوسرے نمبر پر آئی تھی اور چار سال بعد، ایرانی قومی کشتی ٹیم نے ایک بار پھر بھرپور مقابلہ کر کے چیمپئن شپ جیت لی ہے اور ایشین چیمپئن بن گئی ہے۔
آپ کا تبصرہ