سوڈان میں فوجی بغاوت/ وزیراعظم گھر میں نظر بند

سوڈان میں فوجی بغاوت کے بعد وزیراعظم عبداللّٰہ حمدوک کو گھر میں نظر بند کر دیا گیا ہے۔

مہر خبررساں ایجنسی نے الحدث چینل کے حوالے سے نقل کیا ہے کہ سوڈان میں فوجی بغاوت کے بعد وزیراعظم عبداللّٰہ حمدوک کو گھر میں نظر بند کر دیا گیا ہے۔ خرطوم میں شہریوں کی نقل و حرکت پر پابندی عائد کردی گئی، جمہوریت پسند گروپ نے ہڑتال اور سول نافرمانی کا اعلان کر دیا۔

ذرائع کے مطابق سوڈان میں فوجی بغاوت کے بعد وزیر صنعت، وزیر اطلاعات، وزیراعظم کے میڈیا ایڈوائزر کے علاوہ ترجمان خود مختار کونسل، گورنر خرطوم گرفتار ہونے والے رہنماؤں میں شامل ہیں، ملک میں مواصلات کی رسائی محدود کر دی ہے جبکہ سوڈانی فوج نے خرطوم آنے والی تمام سڑکیں، پل بلاک کر دیئے ہیں۔

سوڈانی سرکاری ذرائع کے مطابق  نامعلوم مسلح فوجیوں نے سوڈان کے متعدد رہنماؤں کو گرفتار کرلیا ہےجبکہ غیر ملکی خبر ایجنسی نے بتایا ہے کہ سوڈانی رہنماؤں کو فوج نے آج صبح گرفتار کیا ہے جس کے بعد گرفتاری کیخلاف مظاہرین سڑکوں پر آگئے ہیں۔

سوڈان میں فوج اور سول حکام کے درمیان کئی ہفتوں سے کشیدگی ہے،شہریوں کی نقل وحرکت پر پابندی عائد ہے، بغاوت کی اطلاعات پر خرطوم ایئرپورٹ بھی بند کر دیا گیا ہے۔ بی بی سی کے مطابق وزیراعظم عبداللّٰہ حمدوک کو گھر میں نظر بند کر دیا گیا ہے۔

News Code 1908628

لیبلز

آپ کا تبصرہ

You are replying to: .
  • 5 + 13 =