افغانستان میں انتخابات کے دوران دھماکوں سے 16 افراد ہلاک

مہر خبررساں اجنسی نے فرانسیسی خبررساں ایجنسی کے حوالے سے نقل کیا ہے کہ افغانستان میں پارلیمانی انتخابات کے دوران 3 مختلف علاقوں میں شدت پسندوں کی کارروائیوں میں 6 پولیس اہلکاروں سمیت 16 افراد ہلاک اور 40 سے زائد زخمی ہوگئے ہیں۔ افغان صوبےغورمیں شدت پسندوں کے حملے میں 4 پولیس اہلکارجاں بحق ہوئے، کابل میں بھی 3 دھماکے ہوئے جن میں 2 پولیس اہلکار اورشہری سمیت 4 افرادزخمی ہوئے۔ قندوز میں مارٹر حملوں میں 10 افراد ہلاک  اور 38 زخمی ہوئے۔ افغان میڈیا کے مطابق قندوز شہر پر کم از کم 10 مارٹر داغے گئے۔