یمنی فورسز نے سعودی کے پیٹریوٹ میزائل سسٹم کو تباہ کر دیا/50 سعودی فوجی ہلاک و زخمی

مہر خبررساں ایجنسی نے المیادین کے حوالے سے نقل کیا ہے کہ یمنی فورسز نے اعلان کیا ہے کہ یمنی فورسز اور قبائل نے صوبہ مآرب میں سعودی کے پیٹریوٹ میزائل سسٹم کو تباہ کر دیا ہے جبکہ یمنی فورسز نے سرحد پر سعودی عرب کے فوجی حملے کو ناکام بناتے ہوئے 50 سے زائد سعودی فوجیوں کو ہلاک اور زخمی کردیا ہے۔ واضح رہے کہ سعودی عرب نے یمن پر تقریبا تین برسوں سے جنگ مسلط کررکھی ہے اور اسے اس جنگ میں دس ملکوں کی فوجی حمایت بھی حاصل ہے جن میں امریکہ بھی شامل ہے لیکن پھر بھی سعودی عرب یمن میں اپنے مقررہ اہداف تک پہنچنے میں ناکام ہوگیا ہے سعودی عرب کی بربریت اور جارحیت میں 35 ہزار یمنی شہری شہید اور زخمی ہوگئے ہیں جن میں بچوں اور خواتین کی بڑی تعداد شامل ہے۔