پروفیسرسلمان حیدر کو مسلح افراد نے اسلام آباد سے اغوا کرلیا

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں  فاطمہ جناح یونیورسٹی کے پروفیسر،شاعر اور انسانی حقوق کےکارکن سلمان حیدر اسلام آباد سے لاپتہ ہوگئے ہیں خیال کیا جاتا ہے کہ انھیں مسلح افراد نے اغوا کرلیا ہے۔ سلمان حیدر کے خاندانی ذرائع کے مطابق سلمان حیدر گزشتہ رات بنی گالا کہ علاقہ سے لاپتہ ہوئے ۔ شہرہ آفاق نظم "میں بھی کافر تو بھی کافر" کے خالق معروف شاعر وسماجی کارکن سلمان حیدر کے اہل خانہ کی طرف سے خدشہ ظاہر کیا گیاہے کہ انہیں کوئی اٹھاکر لے گیاہے۔
ان کے فون سے آخری میسیج جمعہ کی رات کو موصول ہوا، سلمان حیدر کی گمشدگی کی رپورٹ تھانہ لوئی بھیر میں درج کرادی گئی ہے۔پولیس ذرائع نے کہاہے کہ سلمان حیدر کی گمشدگی کی رپورٹ ملی ہے ۔ تلاش کا کام شروع کردیا گیاہے۔