کراچی میں بارش کے دوران مختلف حوادث میں 4 افراد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہرکراچی میں بارش کے دوران چھت ،دیوار گرنے اور کرنٹ لگنے سے 4 افراد ہلاک ہوگئے ہیں،برسات کے بعد شہر کےمختلف علاقوں میں بجلی بھی غائب ہوگئی ہے۔ریسکیو ذرائع کے مطابق اورنگی ٹاؤن ایم پی آر کالونی میں مکان کی دیوار گرنے سے ایک شخص  ہلاک جبکہ ایک زخمی ہوا، جسے اسپتال منتقل کردیا گیا ہے ۔
ذرائع کے مطابق سول لائنز میں گھر کی چھت کا ایک حصے گرنے سے ایک شخص جاں بحق ہوا جبکہ نارتھ کراچی میں کرنٹ لگنے سے ایک شخص جان کی بازی ہار گیا ۔
ادھرکراچی میں بارش ہوتے ہی بجلی چلی گئی ،دوسرے روز ہونے والی برسات کے بعد 180فیڈرزٹرپ کرگئے،شہر کے مختلف حصوں میں بجلی کی فراہمی معطل ہوکر رہ گئی ہے۔