میں اللہ تعالی سے اسلامی سرزمینوں کی آزادی چاہتا ہوں

مہر خبررساں ایجنسی کی اردوسروس کے مطابق اسلامی جمہوریہ ایران کی مسلح افواج کے نئے چیف آف اسٹاف میجر جنرل محمد باقری نے اپنے ایک پیغام میں کہا ہے کہ میں اللہ تعالی کی بارگاہ سے امت مسلمہ کی سرافرازی ، سربلندی، اتحاد ، دشمنوں پر فتح اور اسلامی سرزمینوں کی آزادی طلب کرتا ہوں۔ ایرانی مسلح افواج کے چيف آف اسٹاف نے عید فطر کی آمد کی مناسبت سے اپنے پیغام میں کہا ہے کہ مسلمانوں نے رمضان المبارک میں اللہ تعالی کی بارگاہ میں تقرب اور اس کی خوشنودی حاصل کرنے کے لئے اس کی بندگی، اطاعت اور عبادت کی اپنے دلوں کو قرآن مجید کی آیات کی تلاوت سے منور اور نورانی کیا اور اللہ تعالی کی نسیم رحمت اور شمیم لطف سے فائدہ اٹھایا۔ میں عید سعید فطر کی آمد کے موقع پر امت مسلمہ ، حضرت امام زمانہ (عج) اور ان کے نائب برحق  مسلح افواج کے کمانڈر انچیف رہبر معظم انقلاب اسلامی حضرت آیت اللہ العظمی خامنہ ای کی خدمت میں مبارک باد پیش کرتا ہوں۔