بنگلہ دیش میں بلدیاتی انتخابات کے دوران 12 افراد ہلاک

بنگلہ دیش میں بلدیاتی انتخابات کے پانچویں مرحلے کے دوران پرتشدد واقعات میں2 امیدواروں اور2 بچوں سمیت 12 افراد ہلاک جبکہ ہزاروں زخمی ہوگئے ہیں۔

مہر خبررساں ایجنسی نے غیر ملکی ذرائع کے حوالے سے نقل کیا ہے کہ بنگلہ دیش میں بلدیاتی انتخابات کے پانچویں مرحلے کے دوران پرتشدد واقعات میں2 امیدواروں اور2 بچوں سمیت 12 افراد ہلاک جبکہ ہزاروں زخمی ہوگئے ہیں۔ اطلاعات کے مطابق بنگلہ دیش میں بلدیاتی انتخابات کا  پانچواں  مرحلہ پہلی مرتبہ پارٹی لائن پر منعقد کیاجارہا ہے۔

حکام کے مطابق  ہلاکتیں جاماپور، چٹاگانگ، نواکھلی، کومیلا، پانچا گڑھ اور ناریان گنج میں ہوئی ہیں۔ پرتشدد واقعات میں ہزاروں افراد زخمی ہیں جن میں بیشتر کو گولیاں لگی ہیں۔717یونینز کے تحت 45 اضلاع میں پولنگ کے دوران دھاندلی اور دیگر غیر قانونی عمل کے الزامات  کے معاملے پرجھڑپیں ہوئیں۔ جاماپور میں تشدد کے واقعات میں 2 بچوں سمیت 4 افراد اس وقت ہلاک  ہوگئے  جب پولیس  نے 2 امیدواروں کے حامیوں کے درمیان تصادم کو ختم کرنے کے لیے فائرنگ کردی۔ ضلعی پولیس چیف محمد نظام الدین کا کہنا تھا کہ پولیس نے صورتحال کو کنٹرول کرنے کے لیے فائرنگ کی۔

ڈپٹی کمشنر محمد شہاب الدین خان کا کہنا تھا کہ واقعے کی تحقیقات کے لیے ڈسٹرکٹ مجسٹریٹ کی سربراہی میں ایک کمیٹی قائم کردی گئی ہے۔ پرتشدد واقعات میں 2امیدوار بھی  اپنی جانوں سے ہاتھ دھوبیٹھے جن میں بی این پی کے کمال الدین اور ایم ڈی یاسین شامل ہیں۔

News Code 1864389

لیبلز

آپ کا تبصرہ

You are replying to: .
  • captcha