مہر خبررساں ایجنسی نے رائٹرز کے حوالے سے نقل کیا ہے کہ پشاور پولیس کا کہنا ہے کہ پاکستان کےصوبہ سرحد کے صدر مقام پشاور میں ایک خودکش کار بم دھماکے میں پانچ افراد ہلاک جبکہ دس زخمی ہوگئے ہیں۔ہلاک ہونے والوں میں سکول کے بچے بھی شامل ہیں۔ منگل کو صبح سات بجے کے قریب پشاور کی حدود میں خیبر ایجنسی کی سرحد پر واقع ایک چیک پوسٹ کے قریب ایک خودکش کار بم دھماکہ ہوا جس میں پانچ افراد ہلاک جبکہ دس زخمی ہوگئے ہیں۔
پولیس کے مطابق ہلاک ہونے والوں میں سکول جانے والے تین بچے شامل ہیں۔زخمیوں کو لیڈی ریڈینگ ہسپتال منتقل کردیا ہے۔ واضح رہے 27 مارچ کو قبائلی علاقے خیبر ایجنسی کی ایک مسجد میں خودکش حملے کے نتیجے میں کم از کم پچاس افراد ہلاک اور ایک سو پچہتر کے قریب زخمی ہوئے تھے۔
آپ کا تبصرہ