مہر خبررساں ایجنسی کی رپورٹ کے مطابق، صدر کولمبیا گوسٹاؤ پیٹرو نے امریکی صدر ڈونلڈ ٹرمپ کے حالیہ بیان پر سخت ردعمل دیتے ہوئے کہا ہے کہ اسرائیل کو اسلحہ کی فراہمی غزہ میں جاری مظالم میں براہ راست شراکت داری کے مترادف ہے۔
انہوں نے کہا کہ جب اسرائیلی وزیراعظم نیتن یاہو نسل کشی میں ملوث ہے، ایسے میں اسلحہ کی ترسیل قابل مذمت ہے۔ انہوں نے سوال اٹھایا کہ غزہ میں اسلحہ کا اچھا استعمال آخر کس چیز کو کہتے ہیں؟
صدر کولمبیا کے مطابق امریکی اسلحے کے استعمال سے اب تک 70 ہزار فلسطینی شہید اور 2 لاکھ سے زائد زخمی ہو چکے ہیں۔ یہ اعداد و شمار انسانیت کے ضمیر کو جھنجھوڑنے کے لیے کافی ہیں۔
واضح رہے کہ صدر ٹرمپ نے گزشتہ روز اسرائیلی پارلیمنٹ میں خطاب کرتے ہوئے دعوی کیا تھا کہ اسرائیل نے امریکی اسلحہ کا بہترین استعمال کیا ہے جس پر انہوں نے نیتن یاہو اور اسرائیلی حکومت کا شکریہ بھی ادا کیا۔
آپ کا تبصرہ