صہیونی فورسز کے لئے سخت ترین دن، چوبیس گھنٹوں میں گیارہ فوجی ہلاک

مہر خبررساں ایجنسی نے صہیونی ذرائع ابلاغ کے حوالے سے کہا ہے کہ گذشتہ چوبیس گھنٹوں کے دوران غزہ کے مختلف علاقوں میں فلسطینی مقاومتی جوانوں کے ساتھ تصادم کے واقعات میں صہیونی فورسز کو شدید نقصان ہوا ہے۔

صہیونی ذرائع کے مطابق حماس اور تحریک جہاد کے مجاہدین نے مختلف مقامات پر حملے کرکے گیارہ صہیونی فوجیوں کو موت کے گھاٹ اتار دیا ہے۔

صہیونی ذرائع ابلاغ نے کہا ہے کہ رفح میں فلسطینی مجاہدین نے مارٹر گولے سے حملہ کرکے اسرائیلی فوج کی بکتربند گاڑی کو تباہ کردیا جس کے نتیجے میں گاڑی میں سوار 8 فوجی موقع پر ہلاک ہوگئے۔

غزہ کے شمالی حصے میں ایک حملے کے دوران مزید تین صہیونی فوجی مارے گئے ہیں۔

دراین اثناء چند روز پہلے فلسطینی مجاہدین کے حملے میں زخمی فوجی نے بھی ہسپتال میں دم توڑ دیا ہے۔