حزب اللہ کا اسرائیل کے جاسوسی اڈے پر میزائل حملہ

مہر خبررساں ایجنسی نے المنار ٹی وی چینل کے حوالے سے خبر دی ہے کہ لبنان کی حزب اللہ نے مقبوضہ فلسطین کے شمال میں صیہونی فوج کے جاسوسی اڈے کو نشانہ بنایا ہے۔

اس آپریشن کے حوالے سے حزب اللہ کے بیان میں کہا گیا ہے کہ غزہ کی پٹی کے مظلوم فلسطینی عوام اور مزاحمتی فورسز کی حمایت میں مجاہدین نے آج صیہونی فوج کی المتلہ بیس کو بھاری ہتھیاروں سے نشانہ بنایا۔

اس حملے سے قبل حزب اللہ نے برقان میزائلوں سے قابض رجیم کے جل العلام اور دیبورانیت کے ٹھکانوں کو بھی نشانہ بنایا۔

صیہونی فوج نے اس حملے کے جواب میں جنوبی لبنان کے قصبے الخیام پر توپ خانے سے حملہ کیا۔